Биз ҳақимизда

separator

“Ishga marhamat” Мономаркази

Бугунги ҳаракат эртанги келажакни белгилайди. Келажакни танлаш эса фақатгина ўзингизга боғлиқ.
Дунёда касб ва ҳунарлар кўп. Бирор бир касбнинг етук мутахассисига айланишни истасангиз кўнглингизга ва қобилиятингизга мосини танланг.

Ўзбекистон Республикаси Президентининг 2018 йил 20 августда ПҚ №3913-сонли Қарори асосида, Ўзбекистон Республикаси Бандлик ва меҳнат муносабатлари вазирлиги ҳузурида Банд бўлмаган аҳолига хизмат кўрсатувчи “Ishga marhamat” Мономарказида ташкил топган.

Бугунги кунда Мономарказ Ишсиз ва банд бўлмаган аҳолини қисқа муддатларда меҳнат бозоридаги талаб юқори бўлган касбларга ўқитиш, касбга йўналтириш, аҳолини тадбиркорликка жалб этиш, хорижий тиллар ҳамда тадбиркорлик ва молиявий саводхонлик кўникмаларига ўқитиш, хорижга вақтинчалик меҳнат фаолиятини амалга ошириш учун кетаётган фуқароларни кетишдан олдин кўниктириш, қайтиб келган меҳнат мигрантларини ижтимоий мослашувига кўмаклашиш, уларга психологик ва юридик хизматар кўрсатиш, ишчи касблар ва хорижий тиллар бўйича малака даражаларини баҳолаш
ва тасдиқлаш хизматларини кўрсатиб келмоқда.  2020 йил 11 августдаги «Камбағал ва ишсиз аҳолини тадбиркорликка жалб қилиш, уларнинг меҳнат фаоллигини ошириш ва касб-ҳунарга ўқитишга қаратилган ҳамда аҳоли бандлигини таъминлашга оид қўшимча чора-тадбирлар тўғрисида»ги ПҚ-4804-сонли Қарорларига мувофиқ  Ўзбекистонда ёшларни касбга ўқитишнинг замонавий тизимини жорий этиш ва ривожлантириш миллий тараққиётимизнинг ва глобал меҳнат бозоридаги муносиб ўрнимизни топиш ҳамда «Ишга марҳамат» Мономарказлари ва касб-ҳунарга ўқитиш марказлари битирувчиларининг касбий малакасини WorldSkills стандартлари асосида баҳолаш, шунингдек баҳолашдан муваффақиятли ўтган битирувчиларга мамлакатимизда ва хорижий давлатларда тан олинадиган Skills паспорти тақдим этилиши кўзда тутилган. Шунингдек, Мономарказда ўқишни тамомлаганликни тасдиқловчи ҳужжат – Сертификат ўрта махсус, касб-ҳунар таълими дипломи даражасига тенглаштирилади.

Мономарказда меҳнат бозори эҳтиёжларига мувофиқ бўлган 22 турдаги ишчи касблар, 5 та хорижий тил ҳамда тадбиркорлик кўникмалари
ва молиявий саводхонлик бўйича қисқа муддати 2,3,4 ойлик ўқув курслари ташкил этилган. Улар қуйидагилар: Қурилиш мутахассислиги бўйича: cувоқчи, буёқчи, ғишт терувчи, гипсокартон билан ишловчи уста, алюминий
ва пластик профиллари билан ишлаш устаси. Техник мутахассислик бўйича: Юк кўтариш машинаси оператори, электрик, маиший техникаларни таъмирлаш устаси, сантехник ишлари бўйича уста, фрезерлик бўйича уста, токарлик ишлари бўйича уста, пайвандловчи;

Сервис ва хизмат кўрсатиш соҳаси бўйича: косметолог, батлер-официант, эркаклар сартароши, аёллар сартароши, нейл-стилист, Ёш болалар учун энага ва тарбиячи ёрдамчиси мутахассиси, уқаловчи, тикувчи, ошпазлик-қандолатчилик-кетринг, визажист; Компьютер саводхонлиги ва меҳатроника соҳаси;
Хорижий тиллар бўйича: инглиз тили, япон тили, хитой тили, корейс ва рус тиллари; Тадбиркорлик ва молиявий саводхонлик кўникмаларини шакллантириш бўйича: Ҳар бир касбга ўқитиш соҳаси назарий машғулотлар қисмига
22 соатлик тадбиркорлик асослари курси киритилган бўлиб, унда тадбиркорликни тўғри ташкил этиш, тадбиркорлик моделини тузиш, тадбиркорликнинг ички ва ташқи муҳитларини таҳлил қилиш ҳамда ўзаро боғлиқлигини ўрганиш, даромад олиш йўлларини ўрганиш ва даромадни тўғри йўналтириш, тадбиркорлик стратегияси ва унинг келажакдаги истиқболларини белгилаш, маркетинг ва логистика тармоқларини ўрганиш, маҳсулот ва хизматларни бозорга тайёрлашни ўрганиш, тадбирклорликда иқтисодий ва молиявий тизим барқарорлиги, тадбиркорлик фаолиятини баҳолаш ва таҳлил қилиш, янги истиқболдаги режалар ва вазифаларни тўғри белгилашда энг муҳим тушунчалар билан тингловчиларга билим бериб борилади.

Ундан ташқари, ўз тадбиркорлик фаолияти бошламоқчи бўлган фуқаролар учун тадбиркорлик ва молиявий саводхонлик кўникмалари бўйича алоҳида дастурлар асосида ўқув курслари ташкил этилган.

Ушбу ўқув курсларда тадбиркорлик ҳуқуқи ва бозор иқтисодиёти асослари, бизнесни юритиш тартиб-таомиллари, молиявий саводхонлик, солиққа тортиш асослари, экспорт-импорт операциялари ва маркетинг асослари ўқитилади. Йил бошидан бери, жами мурожаатлар сони 1331 тани ташкил этиб, шундан 679 нафари51%и хотин-қизлар, 652 нафари – 49%и эркаклардир. Жами мурожаат қилганларнинг 746 нафари – 56%ини ёшлар ташкил этди. Шундан жами ёшларнинг 369 нафари – 28%и 30 ёшгача бўлган хотин-қизлар бўлса, 377 нафари – қарийб 28%и 30 ёшгача бўлган эркаклардан иборат. Республика бўйича жами 1041 нафар фуқаронинг ўқиш бўйича аризалари қабул қилинди.

«Ишга марҳамат» Мономаркази бугунги кунда Россия Халқлар Дўстлиги Университети, Виссман академияси, Worldskills International Ассоциацияси, «Ишга марҳамат»  Мономаркази раҳбарияти, Хитойнинг Нанкин Политехника институти, Япон тили ва касбий малака тест маркази ҳамда НИППОН академияси ва Ўзбекистондаги бир неча йирик компаниялар, Ёшлар ишлари агентлиги, Артел компанияси “Миллий Тикланиш” Демократик партияси ва турли ташкилотлар билан ҳамкорлик қилади ва меморандумлар имзоланган.

 

 

«Ишга марҳамат» Мономаркази матбуот